Возачот кој ќе победи на најмногу трки без оглед на освоените бодови ќе стане шампион во Формула 1. Ова е многу голема измена во начинот на одлучување за шампионската титула.

Доколку минатата сезона функционираше овој систем Фелипе Маса со шест победи во сезоната ќе го победеше Луис Хамилтон и ќе ја освоеше шампионската титула.

Целта на измените, како и на останатите измени во правилата за 2009 е да се охрабрат возачите да преткнуваат повеќе и да се борат за освоените позиции без калкулации.

Во Формула 1 треба да владее сурова борба која ќе го подигне улгедот на шампионатот и воедно ќе го направи поинтересен за гледање. Значи годинава возачите нема да се борат за бодови и да калкулираат, туку ќе се борат за победи.

Во случај на крајот од сезоната да има двајца возачи со ист број на победи, тогаш на снага стапуваат бодовите и ќе победи оној возач кој има освоено повеќе бодови во текот на сезоната.

Овие дополнителни измени во системот на бодување укажуваат дека пред нас е една многу интересна сезона во Формула 1.