Воедно гала забавата приредена по овој повод беше искористена и за претставување на двата најнови модели на марките Volkswagen и на Audi, односно новиот малечок SUV Tiguan и новиот А4 на македонскиот пазар.

Tiguan кај нас доаѓа закитен престижна награда SUV на годината која ја доделува германскиот магазин OFF Road по изборот на своите читатели. Годинава гласаа дури 58.000 читатели, а во конкуренција од 20 возила Tiguan го освои првото место пред ривалите BMW X3 и Land Rover Freelander.

Audi A4 кој во својата последна изведба плени со својот мачо настап, но и со скриена елеганција и над се напредна техника, настапува под мотото Night Vision инспирирано од дизајнот на предните светла оздола обрабени со LED.

Паралелно со отворањето на новиот центар Porsche Makedonija стартува со работа и фирмата Porsche Leasing основана кон крајот на минатата година од страна на Porsche Bank AG.

Центарот на Porsche Makedonija се наоѓа во населбата Скопје Север на булевар Босна и Херцеговина бб.