Така сметаат во Audi и работат на систем кој не само што ќе знае да предвиди кога ќе се запали црвеното или зеленото светло на семафорот, туку ќе може да ви ја препорача соодветната брзина со која да се движите за да минете на зелено.

Системот е наречен Travolution и покрај смалувањето на сообраќајниот метеж во градовите има за цел и смалување на емисијата на издувни гасови. Пред се тука се мисли на СО₂.

Според инженерите на Audi кои работат на проектот, смалувањето на емисијата на СО₂ ќе се постигне со смалување на времето што автомобилот ќе го помине чекајќи на семафор, а моторот ќе работи во лер.

Travolution во моментов се тестира на два автомобили купето А5 и А6 Avant и се наоѓа во постојана комуникација со посебно адаптирани семафори.

Размената на информациите меѓу Travolution и специјалните семафори постојано се следи од страна на возачот. Информациите до возачот доаѓаат преку новата генерација на мултимедијалниот интерфејс на Audi, MMI Multi Media Interface.

На мониторот MMI во секој момент на возачот му ја соопштува соодветната брзина со која треба да се движи помеѓу две соседни крстосници. На овој начин се спречува непотребното забрзување или забавување и сопирање кое троши повеќе гориво.

Ова е само еден дел од работата што врз себе ја превзема Тravolution. Вториот дел се однесува на користење на посебен софтвер кој има за задача да собира податоци за текот на сообраќајот и за циклусот на времетраење на зеленото и на црвеното светло на семафорите.

Потоа врз основа на собраните податоци Travolution врши пресметки и дава препорака на сообраќајните служби како треба да биде поддесена фазата на вклучување/исклучување на зелено/црвено светло на целата мрежа на семафори во градот со што значително би се намалил сообраќајниот метеж.

Во Audi истакнуваат дека Travolution се наоѓа во почетна фаза на развој и дека во план е проширување на развојната програма и вклучување во опитите на повеќе од 20 автомобили кои ќе крстосуваат низ преку 50 крстосници.

Се чини дека во Audi пронашле одличен начин за спречување на се поголемите сообраќајни метежи во градовите.

А исто така се чини дека на одговорните градски структури во главниот град на Македонија им е потребна помош од Audi во организација на сообраќајот. Но, не само ним.

Секому е јасно дека со правилно поддесена фаза на семафорите ќе се редуцира сообраќајниот метеж и ќе се намали загадувањето во градските средини.

Со развој на Travolution се очекува и паралелен развој на интелигентни семафори кои ќе можат да одлучат дали да го продолжат или скусат зеленото светло во зависност од брзината со која автомобилите наближуваат кон крстосницата и густината на сообраќајот.