Од Citroen се очекува да претставува неверојатни дизајнерски студии за кои нема љубител на октани на планетата што не би поскал да можат да се купат и да се паркираат в гаража за секојдневно уживање.

Францускиот производител го претстави својот најнов концепт GQ кој е развиен со модните експерти кои работат на магазинот за мода GQ и е создаден за да стане ултимативен превоз за џентлмени.

Вистинското име на концептот е GQ by Citroen, а дизајнот е дело на дизајнерот од Citroen, Марк Лојд кој заедно со својот тим го потпишува и дизајнот на DS3.

И додека каросеријата е дело на автомобислки дизајнер за кабината се погиржил некој друг. Станува збор за модниот дизајнер и стилист за ентериери на компанијата E. Tautz, Патрик Грант и уредникот на GQ, Дилан Џоунс.

Дизајнот не е единствената карактеристика со која GQ треба да освојува. Тука е и plug-in хибридниот погон составен од 1.6 литарски бензински мотор со директно вбризгување на горивото веќе познат од соработката со BMW и електричен мотор.

Со помош на двата двигатели GQ by Citroen е способен да спринтува до темпо 100 за 4,5 секунди и да дотурка до електронски ограничени максимални 250 km/h со има емисија на СО₂ од 80 g/km.

Официјалната премиера на GQ by Citroen ќе биде во тек на седмицата на посебен настан во Лондон кога ќе бидат откриени повеќе детали.